Vigo. a cidade

A cidade de Vigo está situada na máis meridional das Rías Baixas protexida polas illas Cíes, arquipiélago de singular beleza que forma parte do Parque Natural das Illas Atlánticas. O contorno no que se atopa a ría de Vigo proporciona ademais de riqueza económica unhas condicións climáticas moi favorecedoras, con temperaturas medias anuais que rondan os 15º C e, contra todos os tópicos, coa metade dos días do ano soleados. Na área metropolitana de Vigo residen ao redor de medio millón de habitantes, que conforman a capital económica do sur de Galicia. No desenvolvemento económico de Vigo ten un peso específico o Porto e a Zona Franca, na que está establecida Citroën, factoría que da emprego a case 10.000 traballadores.