Novas

10.06.10 Imaxina Sons…para todas as idades

Pasacalles, jazz na noite, mesas de debate, clases maxistrais e, recuperando unha demanda do público, un espectáculo especial dirixido ao público infantil, son as propostas que o festival, organizado pola concellería de Cultura e Animación Sociocultural do concello de Vigo, presenta nesta nova edición de Imaxina Sons, do 23 de xuño ao 4 de xullo. Gañar novos públicos, programar artistas de calidade e crear un ambiente festivo en toda a cidade durante os doce días de Imaxina Sons son os obxectivos da edición 2010.

A música de jazz xa arranca nas rúas de Vigo os sábados 12 e 19 de xuño coas actividades de “Imaxina na Rúa” nas que participan a Escola Municipal de Música da Coruña e a orquestra A Tempo de Pontevedra. O festival inaugúrase o mércores 23 de xuño con concerto de Martial Solal e clausurarase o domingo 4 de xullo con Dave Douglas Quintet. As entradas anticipadas poden adquirirse en Caixanova e no teléfono 902 504 500.

• 1
• 2
• 3
• 4