Novas

18.05.09 Consegue o teu abono para Imaxina Sons

Até o 31 de maio pódense adquirir os abonos para os tres concertos que terán lugar no Centro Cultural Caixanova incluídos na 5ª edición do Festival de Jazz de Vigo “Imaxina Sons”, que se celebra do 25 de xuño ao 5 de xullo.

Este abono permite a asistencia aos seguintes concertos: a actuación inaugural do festival co cuarteto do grande saxofonista norteamericano Charles Lloyd (xoves 25 de xuño), o concerto do contrabaixista Miroslav Vitous en homenaxe ao mítico grupo Weather Report, do que foi integrante (domingo 28 de xuño) e a actuación de peche da quinta edición do festival coa máis prestixiosa big band europea, a Vienna Art Orchestra (domingo 5 de xullo). Os tres concertos son exclusivos do Festival de Jazz de Vigo “Imaxina Sons”.

• 1
• 2