Novas

19.06.09 A Escola Municipal de Música da Coruña no Imaxina na Rúa

O sábado 20 de xuño continúa Imaxina na Rúa, o programa de actividades previo á 5ª edición do Festival de Jazz de Vigo Imaxina Sons. Os protagonistas de Imaxina na Rúa serán nesta ocasión os mozos e mozas da Escola Municipal de Música da Coruña. Sen dúbida, a área de música moderna e jazz desta escola e o seminario de jazz que celebra anualmente este centro espertan cada vez maior interese entre os mozos e mozas afeccionados ao jazz. Na ensemble que tocará o sábado 20 de xuño, dirixida por Jose A. Acuña, tamén director da Escola, pódese apreciar a calidade destes músicos cun repertorio no que mesturan temas orixinais con estándards.

Estes son os horarios e emprazamentos das actuacións da Escola Municipal de Música da Coruña o sábado 20 de xuño:

11:30h. Centro Comercial Travesía
13:30h. Praza da Independencia
17:30h. Rúa do Principe, diante do MARCO
19:30h. Rúa Montero Ríos