Por Quinito L. Mourelle

A música de Atlantic Bridge, formación xurdida ao redor da asociación de dous vellos colaboradores —o pianista Alberto Conde e o guitarrista Steve Brown— é a resultante dun punto de encontro, dun denominador común entre músicos galegos e norteamericanos, tanto no tocante a labores compositivas como ás interpretativas. Podería definirse como jazz mainstream de autor. A pesar dalgunhas estruturas con visos sinfónicos, en liñas xerais é un jazz de exposición-desenrolo-exposición no que os solistas poden estenderse a gusto durante varios coros. Os seus estilos nesa sorte son moi variados pero sempre dentro dese territorio de conveniencia marcado polo proxecto e respectuoso co clasicismo, representado sobre todo pola guitarra de Brown.

Ler máis

Por Quinito L. Mourelle

Franz Koglmann é un dos músicos que con maior acerto e creatividade procuran profundar nas posibilidades do third stream. Nalgúns dos seus proxectos quixo instalarse na beira máis próxima á música clásica, facendo prevalecer a herdanza da cultura europea, a súa principal fonte de inspiración. Noutras ocasións, as súas incursións na música contemporánea, o free, ou a parodia de estilos, afastáronlle dunha estética académica e mostráronnos a un creador máis aberto e imprevisible. No concerto do pasado sábado puidemos ver facetas de ambas as vertentes, aínda que o repertorio axustouse máis á primeira.

Ler máis

Dave Douglas (New Jersey, EUA, 1963), o renomeado trompetista e compositor, considera que o poder da música está por riba das palabras e que, se ben o seu é un traballo persoal como ten que ser o de calquera músico, non deixa de estar conectado coas preocupacións e inquedanzas que moven o mundo. Dúas veces nominado aos Grammy, Dave Douglas será o encargado de pechar o domingo 4 ás 22h no Centro Cultural Caixanova a sexta edición do Festival de Jazz de Vigo Imaxina Sons co seu quinteto, un dos seus proxectos máis maduros co que percorre un amplo abano dos sons jazzísticos contemporáneos.

Ler máis

Atlantic Bridge nace en 2008 sobre unhas liñas musicais caracterizadas por un forte contido melódico de raíz galega e ibérica, tamizado polo son e a creación do jazz ensamble neoiorquino. En formación de sexteto nace este grupo co lanzamento dun primeiro album co mesmo título que dá nome á banda, rendendo unha homenaxe ás clásicas formacións de orquestra en formato reducido, cuxo repertorio de creación propia está directamente relacionado coas músicas do mundo enraizadas na música de orixe ibérica, latina e europea.

Ler máis

Por Quinito L. Mourelle

Non imaxinaba que o flashback fose tan fidedigno. Sobre as táboas do Auditorio Municipal, o trío do contrabajista Arild Andersen fíxonos retroceder a aquel oitenta, cando músicos como o propio Andersen ou o seu compatriota Jan Garbarek lideraban o estilo do momento baixo as siglas de ECM, o selo discográfico que proxectou as súas carreiras. Atmosferas relaxadas e temáticas folclóricas seguen sendo os seus elementos de traballo. Témome que esa estética se quedou algo trasnoitada e que, partindo deses mesmos motivos folclóricos, o trío podería chegar a outras cotas de abstracción, liberarse da harmonía e as estruturas e fluír cun rumbo máis contemporáneo.

Ler máis